كادر المعلم

قم للمعلم(بكسر الميم)وفه التبجيلا(قصدى التلطيشا) كادر المعلم(الى هيذلونا بيه)ان يكون سعيدا.قال ايه المدرسين واخدين بعضهم وكل واحد (اللهم لا حسد) شايل فى ايده مسطره وقلم رصاص واستيكه ورايح فين رايح يمتحن (شفتوشى كارثه امر من كده) .المهم راحو الامتحان الصبح بدرى وفى اديهم العده والسندويتشات ودخلو اللجان كلهم ماشفوش بعض من زمان وهاتك يا رغى وتاليس على الامتحان الا واحد كده غلبان ماسك مذكره ونازل دح وبقيت المدرسين هاتك يا تاليس عليه.و بقه لما تعرفوا ان اللجان كانت مهويه والمدرسين قلبوا بقدره قادر (لنقاشين)كله بينقش من كله . المدرسين الى كانو بيذلونا عشان منغشش والقيم والاخلاق مع اول امتحان غشو همه وروقو على نفسهم يلا مش هنلومهم ما كل الامتحانات بتيجى صعبه بس مش لدرجه ان المدرسين يقومو من مكان امتحاناتهم ويروحو لجان تانيه لكن ما علينا بس ايام الامتحانات يبقو يفتكرونا. ولا انتو رايكو ايه